Privacy notice

Hum kaun si jaankari lete hain. Aapka naam, email, phone number, aapki course progress, quiz scores aur assignments/final project jo aap submit karte ho. Payment Razorpay par hota hai: aapke card ya UPI ki details Razorpay sambhalta hai, hum unhe store nahi karte. Hum aapse Aadhaar, bank details, password ya OTP kabhi nahi maangte.

Kyun lete hain. Aapko access dene, support dene, certificate banane aur course ke baare mein zaroori updates bhejne ke liye.

WhatsApp group. Group mein sab members ko aapka naam/number dikh sakta hai (WhatsApp ka feature). Group join karne se pehle ye samajh lo. Group mein private jaankari mat bhejo.

Final project mein doosron ka data. Business owner ki permission ke bina unki jaankari submit mat karo. Personal numbers aur details submit karne se pehle chhupa do.

Hum kisi ko bechte nahi. Hum aapki jaankari kisi ko bechte nahi. Hum sirf course chalane ke liye zaroori tools (jaise payment, email, video hosting, meeting) use karte hain, jo aapka data apni terms ke hisaab se sambhalte hain.

AI tools. Course mein aap ChatGPT, Claude, Gemini jaise tools use karte ho. Ye tools aapka daala hua data apni policy ke hisaab se use kar sakte hain. Isliye private data in tools mein mat daalo.

Live session ki recording. Hafte ka doubt session record hota hai aur baad ke students ko dikhaya jata hai. Aapka camera aur mic band rehta hai aur sawaal chat se padhe jate hain, to aapka chehra ya awaaz recording mein tabhi aati hai jab aap khud camera ya mic on karo.

Aapki kahani aur photo. Hum aapka naam, photo, result ya kahani kisi promotion mein tabhi use karte hain jab aapne likhit permission di ho.

Aapke adhikaar. Aap apni jaankari dekhne, theek karwane ya hatwane ke liye humse WhatsApp par +91 76684 08312 par ya support@arfasolutions.com par maang sakte ho.

Humse sampark. Faraz Khan, ARFA AI Advanced Academy, 1st Floor, Minara Market, Deoband.