Terms of use

1. Ye course kya hai. ARFA AI Mastery ARFA AI Advanced Academy, Deoband ka online course hai. Isme recorded videos, quizzes, assignments, ek final project, hafte ka live doubt session aur ek AI helper shamil hain.

2. Aapka access aur madad. Payment ke baad aapko course ka lifetime access milta hai. Lifetime ka matlab hai jab tak ARFA AI Mastery course chal raha hai. Agar hum kabhi course band karte hain, to pehle se notice denge. Live doubt session, WhatsApp group aur AI helper se madad bhi isi tarah milti rehti hai, jab bhi aapko zarurat ho. Founding batch mein modules har hafte sabke liye ek saath khulte hain (pehla module batch ki start date par).

3. Ek student, ek login. Aapka login sirf aapke liye hai. Ise kisi se share karna mana hai. Hum login ke ajeeb use par access rok sakte hain.

4. Content ka istemal. Videos, PDFs aur Prompt Library sirf aapke apne seekhne ke liye hain. Inhe record, copy, share, bechna ya online dalna mana hai. Aap apne assignments aur projects khud ke naam se use kar sakte ho.

5. Free tools. Course free tools par chalta hai. Tools ke free plans, limits aur naam badalte rehte hain. Ye tool companies ke control mein hai, aur hum unke badlav ki guarantee nahi dete.

6. Koi guarantee nahi. Is course se job, kamai ya kisi bhi result ki guarantee nahi hai. Skills aapki mehnat aur practice se banti hain.

7. Certificate. Certificate tab milta hai jab quiz ka average 60% ya zyada ho aur final project submit hokar accept ho jaye. Ye “ARFA Online Completion Certificate” university degree nahi hai. Refund hone par certificate nahi milta.

8. Final project aur doosron ka data. Final project mein aap kisi asli business ke saath kaam karte ho. Business owner ki permission zaroori hai. Bina permission kisi ka naam, photo, awaaz ya data use nahi karna. Fake review, fake photo ya kisi ki fake awaaz nahi.

9. Private jaankari. Aadhaar, bank details, password ya OTP kabhi kisi AI tool, group ya assignment mein mat daalo. Hum ye kabhi nahi maangte.

10. Group ke niyam. WhatsApp group ke niyam (pinned message) maanna zaroori hai. Niyam todne par aapko group se hataya ja sakta hai.

11. Payment aur refund. Payment Razorpay se hota hai. Payment ke baad refund nahi milta, sirf refund policy mein likhe do haalaat chhodkar (galti se double payment, ya payment kata par access nahi mila). Refund policy alag page par hai aur is terms ka hissa hai.

12. Badlav. Hum course ke content ko tools ke badlav ke hisaab se update kar sakte hain.

13. Live session ki recording. Hafte ka live doubt session (har Saturday shaam 4 baje, IST) record hota hai aur baad ke students ko dikhaya jata hai. Aapka camera aur mic band rahega; sawaal chat mein likho, hum padh kar jawab denge. Agar aap khud camera ya mic on karte ho, to aapki awaaz ya chehra recording mein aa sakta hai.

14. Aapki kahani aur photo. Aapka naam, photo, result ya kahani kisi bhi promotion mein tabhi use hogi jab aapne likhit permission di ho.

15. Sampark aur shikayat. Faraz Khan, ARFA AI Advanced Academy, 1st Floor, Minara Market, Deoband. WhatsApp: +91 76684 08312 | Email: support@arfasolutions.com | arfasolutions.com. Koi sawaal ya shikayat ho to isi number ya email par bhejo.